Licitación Atención Infantil en San Sadurniño

Formalizado: PRIMEIRA. BOLBORETA INFANCIA S.L. comprométese á realización das seguintes prestacións: Servizos Atención ós nenos e nenas escolarizados nela, tanto nos aspectos educativos propios do primeiro ciclo de educación infantil, como a súa alimentación, coidado e aseo dentro do horario de funcionamento da escola; a xestión e administración do centro destinado a tal fin, ubicado no Centro unicipal de Empresas do Concello, con arranxo ao prego de cláusulas administrativas particulares e ao prego de prescricións técnicas, que figuran no expediente, documentos contractuais que acepta incondicionalmente e sen reserva algunha e do que deixa constancia asinando neste acto a súa conformidade nel. SEGUNDA. O prezo do contrato: 344.000,00 € TERCEIRA. O prazo de execución do contrato é de 4 anos, contados desde o día seguinte ao da firma do presente contrato. CUARTO. BOLBORETA INFANCIA S.L. presta a súa conformidade ao Prego de Condicións que é documento contractual, asinándoo neste acto e sométese, para cando non se atope nel establecido aos preceptos da Lei 9/2017, de 8 de novembro, de Contratos do Sector Público, pola que se traspoñen ao ordenamento xurídico español as Directivas do Parlamento Europeo e do Consello 2014/23/UE e 2014/24/UE, de 26 de febreiro de 2014, ao Real Decreto 817/2009, de 8 de maio, polo que se desenvolve parcialmente a Lei 30/2007, de 30 de outubro, de Contratos do Sector Público, e ao Real Decreto 1098/2001, de 12 de outubro, polo que se aproba o Regulamento Xeral da Lei de Contratos das Administracións Públicas; Así mesmo, o presente contrato sométese á normativa nacional e da Unión Europea en materia de protección de datos. Supletoriamente aplicaranse as restantes normas de dereito administrativo e, na súa falta, as normas de dereito privado.