Licitación Xestión de praias en Mugardos

Formalizado: Dada a privilexiada situación xeográfica do Concello de Mugardos, enclavado na marxe meridional da ría de Ferrol, e colindante coa de Ares, fai de Mugardos un concello con atractivos turísticos, entre os que cabe destacar os relacionados co patrimonio natural, que encontramos tanto no interior do municipio como na súa zona costeira. Debido a estas condicións, Mugardos converteuse nos últimos anos en un destino turístico da comarca de Ferrolterra, superando cada ano o número de visitantes, o que tamén repercute no índice de ocupación das praias do municipio. É por isto necesario manter as praias e areais nas mellores condicións en canto a limpeza, hixiene e equipamentos, para poder ofertar ós visitantes a súa mellor imaxe. Por todas estas cuestións proponse a celebración dun contrato de servizo de xestión de praias marítimas.