Licitación Gestión Residencia de Artistas en Ponteareas

Desierto: PRIMEIRO. Excluír a proposición presentada pola licitadora INFONORDES CONTIDOS, S.L., con NIF B70651948, no procedemento de licitación do contrato para a prestación do servizo de xestión integral da Residencia de Artistas “Artistea” de Ponteareas, ao terse incorporado no Anexo III documentación relativa á súa oferta avaliable mediante criterios automáticos, que conforme aos pregos debía incluírse exclusivamente no sobre correspondente á oferta económica e criterios avaliables automaticamente. SEGUNDO. Asumir a proposta formulada pola Mesa de Contratación na súa sesión de data 23 de xuño de 2026, relativa ao estudo da documentación presentada pola licitadora INTER-ANIMA EVENTS, S.L. en resposta ao requirimento de emenda da documentación previa á adxudicación. TERCEIRO. Considerar non acreditada pola licitadora INTER-ANIMA EVENTS, S.L., con NIF B27443225, a solvencia técnica ou profesional esixida na cláusula 10.2 do PCAP, polos seguintes motivos: a) Os traballos executados para o Concello de Lugo non gardan relación suficiente de igualdade ou similitude co obxecto do contrato, consistente na xestión integral dunha residencia de artistas. b) A documentación contable presentada en relación cos traballos realizados no “Espacio multidisciplinar e artístico Moura 39” acredita un importe de 34.468,72 euros, inferior ao mínimo esixido pola cláusula 10.2 do PCAP, fixado en 34.704,67 euros. CUARTO. Considerar que a licitadora INTER-ANIMA EVENTS, S.L. non cumprimentou axeitadamente o requirimento de documentación previa á adxudicación efectuado ao abeiro do artigo 150.2 da LCSP e da cláusula 21ª do PCAP, ao non acreditar a solvencia técnica ou profesional esixida nos pregos. QUINTO. Ter por retirada a oferta presentada pola licitadora INTER-ANIMA EVENTS, S.L., con NIF B27443225, no procedemento de licitación do contrato para a prestación do servizo de xestión integral da Residencia de Artistas “Artistea” de Ponteareas, expediente 8097/2025. SEXTO. Declarar deserta a licitación do contrato para a prestación do servizo de xestión integral da Residencia de Artistas “Artistea” de Ponteareas, expediente 8097/2025, ao non existir ningunha proposición válida e admisible que permita adxudicar o contrato. SÉTIMO. Non impoñer á licitadora INTER-ANIMA EVENTS, S.L. a penalidade do 3 % do orzamento base de licitación, IVE excluído, prevista no artigo 150.2 da LCSP, ao non apreciarse retirada voluntaria e inxustificada da oferta, achega de documentación falsa nin incumprimento total ou absoluto do requirimento, senón unha presentación efectiva de documentación posteriormente considerada insuficiente para acreditar a solvencia técnica ou profesional. OITAVO. Acordar a cancelación da garantía definitiva presentada pola licitadora INTER-ANIMA EVENTS, S.L., por importe de 4.743,75 euros, ao non existir contrato adxudicado nin formalizado, non apreciarse causa para facer efectiva penalidade ningunha contra a dita garantía e terse declarado deserta a licitación. NOVENO. Publicar a presente resolución no perfil de contratante do Concello de Ponteareas, aloxado na Plataforma de Contratación do Sector Público. DÉCIMO. Notificar a presente resolución ás licitadoras interesadas no procedemento, con indicación do réxime de recursos procedente.