Licitación Servicio de Control Sanitario Playas Sanxenxo

Motivo de adjudicación

Dada conta do expediente de contratación do servizo para o seguimento dos programas de control sanitario e Bandeira Azul nas praias de Sanxenxo, por procedemento aberto ordinario, logo da tramitación do mesmo, presentación de documentación xustificativa por parte do licitador proposto, informe xurídico de comprobación da mesma emitido en data 5 de xuño de 2025 e tendo en conta a fiscalización final favorable en fase D do Sr. Interventor Xeral do Concello de Sanxenxo emitida en data 10 de xuño de 2025, esta Presidencia no uso das súas atribucións delegadas do consello de administración, RESOLVE: - Adxudicar o contrato do servizo para o seguimento dos programas de control sanitario e Bandeira Azul nas praias de Sanxenxo, expediente 5/2025, conforme ó Prego de Cláusulas Administrativas Particulares, ó Proxecto Técnico que rexe esta Contratación, á oferta presentada polo adxudicatario, o informe técnico de valoración emitido pola técnica redactora do PPT, á documentación xustificativa presentada e informada xuridicamente con carácter positivo e á fiscalización favorable da Intervención Xeral en Fase D, a NOVACONDRIA, S.L. polo importe de 46.287,00 euros (corenta e seis mil douscentos oitenta e sete euros) máis IVE 9.720,27€ (nove mil setecentos vinte con vinte e sete céntimos) o que suma un total de 56.007,27 euros (cincuenta e seis mil sete con vinte e sete céntimos) pola duración de dúas (2) tempadas. - Proceder a comunicar aos servizos administrativos a devandita resolución para a publicación da mesma no perfil do contratante e á sinatura do devandito contrato.