Licitación Suministro de tractor 4x4 en Vilar de Santos

Adjudicado: De conformidade co informe técnico de avaliación de ofertas emitido polo servizo de asistencia técnica da Deputación de Ourense, incorporado ao expediente , procede motivar a adxudicación do contrato en favor da entidade JOSE ESTEVEZ AS FERREIRAS, S.L. nos seguintes termos: Analizadas as ofertas presentadas no procedemento, constatouse que ambas empresas licitadoras cumpren cos requisitos técnicos mínimos esixidos no Prego de Prescricións Técnicas, resultando por tanto admitidas á fase de valoración. A valoración realizouse conforme aos criterios de adxudicación establecidos no Prego de Cláusulas Administrativas Particulares, combinando criterios económicos e cualitativos. En relación cos criterios económicos, a oferta máis vantaxosa foi presentada por HITRAF, S.A., cun prezo inferior (96.800,00 €), obtendo a máxima puntuación neste apartado (72 puntos), mentres que JOSE ESTEVEZ AS FERREIRAS, S.L. acadou 69,84 puntos cunha oferta de 99.800,00 €. Non obstante, no relativo aos criterios cualitativos, a oferta de JOSE ESTEVEZ AS FERREIRAS, S.L. resultou superior, destacando especialmente: A proximidade do servizo técnico (7,3 km fronte a 17,5 km), o que supón unha mellor capacidade de resposta e mantemento. O cumprimento e mellora de diversas prestacións técnicas esixidas nos pregos. Unha adecuada configuración global do equipo ofertado. Como resultado da ponderación conxunta de ambos criterios, segundo consta na táboa de valoración final do informe técnico (páxina 8), JOSE ESTEVEZ AS FERREIRAS, S.L. obtén a maior puntuación total (96,34 puntos) fronte aos 96,00 puntos de HITRAF, S.A. . En consecuencia, a oferta presentada por JOSE ESTEVEZ AS FERREIRAS, S.L. resulta ser a mellor relación calidade-prezo, de acordo co disposto na Lei 9/2017 de Contratos do Sector Público, sendo por tanto a oferta economicamente máis vantaxosa no seu conxunto. Por todo o anterior, xustifícase a súa selección como adxudicataria do contrato.