prestación do conxunto de tarefas de patrocinio publicitario, coa incorporación dos signos publicitarios determinados polo Concello de Lugo e relativos á promoción económica, turística e/ou cultural do municipio nos diferentes soportes de que dispoña para a publicidade o CLUB DEPORTIVO LUGO SAD segundo o prego de prescricións técnicas (en adiante PPT) redactado polo encargado de Deportes. En virtude deste contrato de patrocinio, o patrocinado - CLUB DEPORTIVO LUGO SAD - en contraprestación ao prezo do adxudicación do contrato que se sinala na cláusula cuarta, colabora na publicidade institucional do patrocinador (Concello de Lugo) contribuíndo á difusión da imaxe da cidade de Lugo e ampliación do seu coñecemento público aproveitando a trascendencia da competición deportiva de fútbol en Segunda División na que milita o equipo lucense e a súa repercusión e difusión mediática.